மழை

பெருமழைக்கு பயந்து 
விரைந்து செல்லும் வாகனங்கள்
மரம் தேடி ஒதுங்கும் மனிதர்கள்
துள்ளலுடன் ரசித்து செல்லும் யுவதி
குதூகலத்துடன் அம்மாவின் 
கைப்பிடி உதறி குடைக்கு வெளியே
எட்டி பார்க்கும் சிறுபிள்ளை
வியாபாரத்தை கெடுத்துவிட்டதாக
புலம்பும் தெருவோர கடைக்காரர்
டீக்கடையில் நிதானமாக
தேநீர் அருந்தியபடி
போவார் வருவோரை
கண்களாலும் தன் அனுபவத்தாலும்
அளக்கும் மத்திம வயதுக்காரர்
எல்லாரையும் வேடிக்கை பார்த்துக்கொண்டே
அகத்தின் அரற்றும் அழுகுரல் மறைத்து
நானும் கடந்து செல்கிறேன்.....