செல்லமாய் சிணுங்கிட
கோவமாய் சீறிட
உடைந்து அழும்போது
இறுக்கி அணைத்து தோள் சாய்த்திட

வலியில் ஆறுதலாய் கைபிடிக்க
வழியில் கையோடு கை கோர்க்க
விழியின் நீர் துடைக்க
வீழும் போது எல்லாம் கை கொடுக்க

விடிய விடிய வெட்டியாய் பேசிட
மார்பில் முகம் புதைத்து
பயம் ஏதும இல்லா குழந்தையாய்
மனம் குளிர்ந்து உறங்கிட

எல்லையில்லா குதூகலம் பகிர
ஏகாந்தத்தின் ஆனந்தம் பகிர்ந்திட
என வாழ்வின் எல்லாம் பகிர்ந்திட
வாழ் நாள் முழுதும் நீ வேண்டும்......