விசித்திரம்

அழகான குடும்பம் 
அன்பான குழந்தைகள்
பொறுப்பான கணவர்
மரியாதைக்குரிய உறவுகள்
அக்கறை காட்டும் நண்பர்கள்
இத்தனை இருந்தும் சமயங்களில் 
பெருநகர வீதியில் தனித்து விடப்பட்ட 
அனாதைக் குழந்தை போல அழுது தீர்க்கிறது மனசு....

மனித மனம்

குற்றுயிராய் விழ நேர்ந்தால்
ஓடி வந்து தாங்கிடுவேன்

அன்பை களிம்பாக்கி
ரணம் எல்லாம் ஆறிட
செய்திடுவேன்

அணைத்து ஆறுதல்படுத்தி
என்னுயிர் தந்துனை
உயிர்பிப்பேன்

காயப்படுத்தியது
நானாக இல்லையென்றால்